Орман өртіне қарсы шаралар күшейтілді

Жыл басынан бері 1470 тұрғын үйден өрт шығып, 96 адам қаза тапты. Оның 16-сы бала. Бұл туралы Төтенше жағдайлар министрлігінің арнайы брифингінде айтылды. Орман өрті де жылдағыдан азайғанымен, түбегейілі дес берген жоқ.

Биыл 40 шақты аумақты жалын шарпыған. Осыған байланысты министрлік алдын алу шараларын күшейте түсті. 360 өрт сөндіру бөлімшесінің басшысы арнайы даярлықтан өтті. Қосымша 167 пункт құрылды. Соның арқасында 900 аумақта өрт өршімей, дер кезінде сөндірілді.

Асқар Төлешев, ТЖМ Өртке қарсы қызмет комитеті төрағасының орынбасары:

Осы мамыр айында республикалық оқу-жаттығу жоспарланып отыр. Көршілерімізді шақырамыз оған, Ресей Федерациясымен бірлесіп, шекарада болатын өрттерге байланысты іс-қимылдар қайта қаралады.