Өрт сөндірушілер міндетін кедергісіз атқаруы керек

Өрт сөндірушілер өз міндеттерін еш кедергісіз атқаруы керек. Адам өмірі мен қауіпсіздігі бәрінен маңызды. 3 баланың өмірін жалмаған өртке қатысты Сенат төрағасы Мәулен Әшімбаев осындай пікір білдірді.

Мәулен Әшімбаев, ҚР Парламенті Сенатының төрағасы:

Өте қайғылы жағдай әрине. Осындай кезде тиісті қызметтердің өз міндетін кедергісіз атқаруына мүмкіндік беретін тетіктер қажет. Әрине мұнда белгілі бір нюанстар, бөтеннің мүлкіне зиян келтіру сынды мәселелер бар. Бірақ адам өмірі мен қауіпсіздігі бәрінен маңызды. Заң өте нақты дүние, мұнда жалпылама айтуға болмайды. Сондықтан басқа азаматтардың мүлкіне қатысты қандай жағдайда не істеуге болатыны заңда анық әрі мұқият жазылуы қажет.