Каспий жағасынан 200-ге жуық өлі итбалық табылды

Маңғыстауда Каспий теңізінің жағалауынан 200-ге жуық өлі итбалық табылды.

Қызыл кітапқа енген теңіз сүтқоректілерінің өлексесі Түпқараған ауданы Форт Шевченко және Баутино ауылдары аумағындағы жағалаудан анықталған. Қазірге дейін барлығы 191 итбалық тіркелді. Оқиға орнында экологтар, гидробиология және биология институының өкілдері тексеру жүргізуде. Мамандар теңіз суы мен итбалықтардың ағзасынан сынама алған. Олардың нәтижесі алдағы уақытта белгілі болады. Алдын ала болжам бойынша итбалықтар бұдан бір ай бұрын ашық теңізде қырылған, оларды күшті жел құрлыққа шығарып тастауы ықтимал.