Қазақстандық өнертабыс жаһандық байқауда үздік үштікке енді

Қазақстандық ғалымның өнертабысы Cleantech Innovation жаһандық байқауында үздік үштікке енді. 17 жастағы Дана Қадырбек су жинайтын смарт құрылғы жасап шыққан. Бірегей технология ауаны суға айналдырады. Яғни, ылғалды сіңіріп, жоқтан бар жасайды. Венада ұйымдастырылған сайыстың финалына өзге де 50 жоба өтті. Қазылар алқасының айтуынша, «бірінен бірі асады». Бірақ су жетіспеушілігі – өңірлік емес, жаһандық мәселе. Әлемнің маңдайалды ғалымдары шешімін әлі таппаған. Отандасымыздың өнертабысының жоғары баға алғаны да содан, - дейді сарапшылар.