БҚО-да полиция бір тұрғынды алаяқтар арбауынан құтқарды

Батыс Қазақстан облысында полиция қызметкері алаяққа алданған тұрғынды дер кезінде байқап, райынан қайтарды.

47 жастағы әйел экранның ар жағындағы белгісіз адамдардың нұсқауымен банктен 3 миллион теңге несие алып, оны беймәлім шотқа аудармақ болған. Алаяқтар оған «қызыңның үстінен қылмыстық іс қозғалды» деп психологиялық қысым көрсетіп, өзін «қылмыстық жауапкершілікке тартыласың» деп қорқытқан. Алданған әйел ауылдан қалаға келіп, қаскөйлердің айтқанын орындамақ болды. Абырой болғанда, полиция көмекке келіп, қаражат толық сақталды. Осылайша жыл басынан бері полицейлер 17 алаяқтық әрекеттің алдын алған.