ТМД Сыртқы істер министрлері кездесті

Сыртқы істер министрі Ермек Көшербаев Мәскеуде өткен ТМД Сыртқы істер министрлері кеңесінің отырысына қатысты. Онда  интеграцияны нығайтуға бағытталған өзекті халықаралық мәселелер талқыланды. Сонымен қатар ынтымақтастықты тереңдетуге арналған жоба-жоспарлар пысықталды. Отырыс қорытындысы бойынша сыртқы саясат ведомстволарының басшылары қауіпсіздік, мәдени-гуманитарлық, білім беру салаларындағы әріптестікке қатысты бірнеше құжатқа қол қойды. ТМД Сыртқы істер министрлері кеңесінің келесі отырысы биылғы жылы Достастыққа төрағалық ететін Түркіменстанда 7 қазанға жоспарланған. Ал 9 қазанда «Аваза» ұлттық туристік аймағында ТМД мемлекеттері басшыларының саммиті өтеді.