Қажылық сапар ұйымдастырамын деп 7,4 млн теңгені жымқырған ер адам сотталды

Астанада қажылық сапарын ұйымдастырамын деп 7 млн 400 мың теңгені қалтасына басқан ер адам сотталды. Ол азаматтардың сеніміне кіріп, жалған әуе билеттері мен қонақүйлер үшін ақы алған. Алаяқтың арбауына 17 адам түскен. Арасында қарт ата-анасын умраға жіберуді жоспарлаған отбасылар да бар. Сотталушы ірі көлемдегі алаяқтық жасағанын мойындап, жәбірленушілерге келтірілген залалды өтеген. Дегенмен, оған 3 жыл мерзімге бас бостандығын шектеу жазасы тағайындалды. Прокуратура қажылыққа байланысты қызметтерді алу үшін лицензиясы бар туристік агенттіктерге жүгінуге кеңес береді.