Маңғыстауда нөсер жауыннан кейін 100-ден астам жылқы батпаққа батып өлген

Жануарлардың өлекселері Сайөтес ауылы мен 7-разъезд аралығындағы теміржол аумағынан табылды. Осы жағдайға байланысты арнайы комиссия құрылды. Айта кетейік, өңірде 14-15 сәуір күндері қатты жел соғып, нөсер жауын жауған. Соның салдарынан жануарлар батпаққа батқан күйі шыға алмай қалған. Қазір шалғай ауылдардың аумағы дрондардың көмегімен, сонымен қатар, жол талғамайтын көліктермен тексеріліп жатыр.