Америкалық әскерилер ирандық кемені басып алды

АҚШ-тың теңіз күштері Ормұз бұғазы маңында блокаданы айналып өтпек болған ирандық сауда кемесіне шабуыл жасап, оны басып алды. Көп кешікпей Тегеран мәлімдеме жасап, Американы жауапсыз қалдырмайтынын ескертті.

Айта кетсек, тараптар арасындағы атысты тоқтату келісімінің мерзімі сәуірдің 22-де аяқталуы керек. Иран мемлекеттік телеарнасының хабарлауынша, Құрама Штаттар блокаданы тоқтатпай отырғандықтан, Ислам Республикасы Вашингтонмен жаңа келіссөз жүргізуден бас тартты.

Соңғы мәліметке қарағанда, кеме ұсталғаннан кейін мұнай бағасы бірден 7 пайызға жуық қымбаттап, 96 доллардан асып кеткен.