Ансар Ниетқалиев Гуанчжоудағы ITF J60 турнирінің жеңімпазы атанды

Қазақстандық жас теннисші Аңсар Ниетқалиев Қытайдың Гуанчжоу қаласында өткен ITF турнирінде жеңіске жетті.  Финалдық кездесуде Аңсарға Қытай теннисшісі қарсылас болды. Қазақстандық спортшы қарсыласынан басым түсті. Есеп – 7:5, 6:3. Қазақстан теннис федерациясының мәліметінше, Аңсар Ниетқалиев ITF World Tennis Tour Juniors халықаралық турниріндегі барлық кезеңдерде жоғары деңгейдегі ойын өрнегін көрсетіп,  Гуанчжоуда чемпион атанды. Бұл Аңсардың әлемдік рейтингтегі орнын айтарлықтай жақсартуға мүмкіндік берді.