Жалған хабарлама тарату – қылмыс

Жалған хабарлама жарға жығады! Кейінгі кезде әлеуметтік желілер мен интернет-ресурстарда жарылғыш зат қою және басқа да қауіп-қатер туралы жалған ақпараттар тараған. Ішкі істер министірлігі мұндай әрекеттер әзіл-қалжың ретінде жасалса да, қылмыстық құқық бұзушылық екенін ескертеді. Әрбір хабарлама міндетті түрде тексеріліп, ақпарат берген адамдар цифрлық технология көмегімен анықталатынын хабарлайды.

Бұл қылмысты жасағаны үшін ҚР заңнамасына сәйкес бас бостандығынан айыруға дейінгі жаза қарастырылған. Терроризм актісі туралы көрінеу жалған хабарламалар қоғамдық қауіпсіздікке қауіп төндіріп, жаппай эвакуацияларға, мемлекеттік органдардың, білім беру, медициналық және басқа да әлеуметтік нысандардың жұмысының тоқтауына әкеледі.