Павлодарда МӘМС қаржысы ұрланған

Павлодарда медициналық әлеуметтік сақтандыру қорындағы миллиондаған қаржы қолды болған. Мұны облыстық прокуратура анықтады. Дерекке қарағанда лауазымды тұлғалар қайтыс болғандардың атынан жалған медициналық жазбалар толтырған. Мәселен, невропатолог, кардиолог, хирург, психологтар әлдеқашан бақилық болғандарды қағаз жүзінде «қабылдады» деп есепке қосады. Бақылау болмағаны соншалық құжатқа акушер-гинекологтар ер адамдарға кеңес берді деп жазған. Тіпті сертификаты мен рұқсат құжаттары жоқ маман халыққа медициналық көмек көрсетті деп ақша бөлген.