Жаркентте көпқабатты үйлерді жөндей бастады

Жетісу облысы Жаркент қаласында «Таза Қазақстан» экологиялық акциясы аясында көпқабатты 12 үйдің шатыры мен қасбеті жөнделіп жатыр.

40 жыл бұрын салынған ғимараттардың шатыры шұрқ тесік, күрделі жөндеуді қажет ететін. Құрылыс жұмыстары шілде айында аяқталмақ. Одан бөлек, қалада жаңа саябақ салынады. Бүгінде жобалық-сметалық құжаттары әзірленіп, қоғамдық талқылаудан өтті. Шаһарда абаттандыру жұмыстары да жалғасады. Жыл соңына дейін 20 мыңнан астам көшетін отырғызылады.