Жол жиегін қоршауға ₸2 млрд бөлінді

Биыл өңірлердегі 11 мың шақырымнан асатын автомобиль жолын жөндеу жоспары бойынша құрылыс жұмыстары қарқын алды. Қазір Президент тапсырмасы негізінде транзитті автожолдарды салу мен қайта жаңғырту ісі қызу жүргізіліп жатыр. Жобаға сәйкес 5 мың шақырым жол күрделі және орташа жөндеуден өтеді. Сонымен қатар 4 мың шақырым тас жолдың бойында жергілікті маңызы бар жол желісін дамыту жобалары жүзеге асырылады.  Бұл бағытта Жамбыл облысында да біраз шаруа қолға алынды. Өңірде 4 жоба бойынша 84 шақырым автожолға орташа, ал 70 шақырымға жуық автожолға күрделі жөндеу жүргізіліп жатыр. «ҚазАвтоЖол» тарапы қыстың қамына қазірден кірісіп, жол жиегіне қоршау да қоя бастады.

Қыстыңкүні қардың жолды жауып қалуын тоқтататын қоршауды қоюға мемлекет тарапынан 2 млрд теңге бөлінді.  Жалпы ұзындығы 27 шақырымды құрайды. Жуалы ауданында 12-і, ал Қордай ауданында 15 шақырымға дейін созылады. Былтыр мамыр айында басталған жұмысты биыл тамызда толық аяқтаймыз. Өткен жылғы жұмыс нәтижелі болды, өйткені қыста жолды қар жауып қалу дерегі мүлде тіркелмеді.