Қарағанды облысындағы Нұра өзені жағасын тазалады

Бүгін әлемде Жер күні аталып өтуде. 90 жылдардан бері халықаралық дәрежеде ұлықталып келе жатқан айтулы күн Қарағанды облысында да тойлануда. Қарағанды облысының Ботақара кентінде «Таза Қазақстан» экологиялық акциясы өтті. Шараға 100-ге жуық табиғат жанашыры ат салысып, Нұра өзенінің жағасындағы тұрмыстық қалдықтарды жинады. Қоқысты дұрыс сұрыптап, қапты бірінші толтырғандарға сыйлықтар берілді. Акцияның басты мақсаты - табиғатты аялау және  тұрғындардың экологиялық  мәдениетін қалыптастыру. Жаз бойы облыс төңірегіндегі өзен-көлдердің жағалауы бірнеше рет тазартылады. Облыс көлемінде 179 сулы аумақ болса, соның 104-і жеке шаруашылықтардың қарауында. Меншік иелері де тазалыққа мән беруі тиіс, дейді экобелсенділер.

«Таза Қазақстан» акциясы аясында жастар арасында кішкене де болса да, стартап ретінде конкурстық бағытта ұйымдастырылды. Менің ойымша, мұны жиі жасап тұру керек. Әсіресе жастар арасында. Себебі олар әрмен қарай мұны дамыта түседі деген ойдамыз.