Әлемде парниктік газ шығарындылары күрт көбейіп барады

Қалаларда көлік көп. Соған сай, парниктік газ шығарындыларының мөлшері жоғары. Сондықтан урбанизацияға, қоршаған ортамен байланысқа аса мән беру-маңызды. Бүгін Hilton алаңында бірқатар маңызды мәселе қаузалмақ.

Темірлан Нұржанұлы, тілші:

Осыдан бір сағат бұрын басталған климаттың өзгеруі жөніндегі 8-ші Орталық Азия конференциясы жалғасып жатыр. Аймақтағы елдер климаттық қатерлерге қарсы ортақ ұстаным мен нақты шешімдерді талқылауда. Бұдан бөлек, 10-нан астам сессия өтеді. Соның бірі урбанизацияға қатысты. Бұл тақырып бүгінде өте өзекті. Себебі әлем халқының шамамен 56 пайызы қалаларда тұрады, ал 2050 жылға қарай бұл көрсеткіш 70 пайызға жетуі мүмкін деген болжам бар. БҰҰ дерегіне сүйенсек, қалалар жаһандық энергияның басым бөлігін тұтынады және мұнда парниктік газ шығарындыларының мөлшері жоғары. Дегенмен, қалалар әлемдік ІЖӨ-нің 80 пайыздан астамын өндіретінін де, ұмытпаған жөн. Демек, миллиондарға мүмкіндік беретін ортаның дамуын да, эко-қауіпсіздігін де бірдей қаматамсыз ету — басты мақсат. Сондай-ақ, жаңартылатын энергия көздерін дамыту үшін кадрлар даярлау бойынша меморандумға қол қою жоспарланып отыр. Бүгінгі жиынның қорытындысы туралы ақпараттың алдағы шығарылымдарында айтамыз.