Басты Жаңалықтар Қытайлық қандасымыз атажұртты велосипедпен аралап жүр

Қытайлық қандасымыз атажұртты велосипедпен аралап жүр

23.04.2026 13:27

Қытайдың Шыңжаң өлкесінде дүниеге келген қандасымыз Бүрлен Әділетқызы Қазақстанды велосипедпен аралап жүр.

21 жастағы веложиһангез бұл жолғы сапарын Ақтау қаласынан бастады. Каспий жағалауында бірнеше күн аялдап, шаһардың көрікті орындарын тамашалаған ол енді Бекет ата, Шопан ата секілді киелі мекендерге барып, зиярат етуді жоспарлайды.

Одан әрі батыс өңірлерге бет алып, Астана күніне дейін елордаға жетуді көздейді. Сапар барысында жергілікті тұрғындармен жүздесіп, өз халқының салт-дәстүрі мен тарихы туралы мағлұматтар жинамақ. Айта кетейік, Бүрлен Әділетқызы бұған дейін 2024 жылы Үрімші қаласынан Астанаға дейінгі аралықты 26 күнде велосипедпен жүріп өткен.

Бүрлен Әділетқызы /ҚХР/:

Осы жолғы сапарымда біраз сәл уайымдау бар, өткендегі сапарыма қарағанда. Өйткені қазақ елін қатты түсініп жатқан жоқпын ғой. Енді келіп жатырмын. Сосын осылай жүріп, түсініп өтсем деген оймен жүрмін. Маршрут жасаған кезде байқағаным, өте көп ұзақ қашықтықта елді мекендер.

Автор

Аягөз Оралбайқызы

Бөлісу