Шымкентте «Nazira Gold» ісі бойынша 5 адам соттталды

Шымкентте «Nazira Gold» қаржы пирамидасына қатысты іс бойынша 5 адамға сот үкімі шықты. Тергеу дерегіне сай, айыпталушылар 2024 жылдың мамырынан 2025 жылдың ақпанына дейін әлеуметтік желілерде жобаны белсенді түрде насихаттаған. Салымшыларға ай сайын 21 мен 41% аралығында табыс және бес айдан кейін қаражатты толық қайтару уәде етілген. Нәтижесінде 1 млрд 460 млн теңге жиналып, 177 адам қаржы пирамидасының құрбаны болған. Сот шешімімен негізгі ұйымдастырушы 10 жылға бас бостандығынан айырылып, жазаны өтеу мерзімі 1 жылға шегерілді. Қалған төрт серіктесіне 5–6 жыл аралығында жаза тағайындалды. Жәбірленушілердің талаптары ішінара қанағаттандырылды. Үкім әлі заңды күшіне енген жоқ.