СҚО-да құтырған ит анықталған

Солтүстік Қазақстан облысы Есіл ауданындағы Амангелді ауылында құтыру ауруының ошағы тіркелді. Итінің агрессивті мінезін байқаған иесі, ветеринарлардан көмек сұраған. Сараптама жасалып, ауру расталды. Инфекция таралуының алдын-алу мақсатында шектеу шаралары енгілді. Яғни қауіпті аймақта ит пен мысық көрмелерін өткізуге, жануарларды сатуға және оларды елді мекеннен шығаруға тыйым салынды. Сауықтыру шаралары аясында дезинфекция жүргізіліп, 45 үй жануарына жұқпаға қарсы екпе салынды.

Шектеу іс-шаралары вакцинация жүргізілгеннен кейін, 2 айдан кейін алынады. Қазіргі уақытта эпизоотиялық жағдай тұрақты. Жоспарлы, яғни ветеринарлық іс-шаралар орындалып жатыр.