Сенат депутаттары Инклюзивті спорт орталығының аумағын көгалдандырды

Экологиялық акцияға Сенат депутаттары да қатысты. Олар елордадағы Инклюзивті спорт орталығының аумағын көгалдандыруға үлес қосты. Депутаттармен бірге, Палата Аппаратының қызметкерлері, сарапшылар клубының өкілдері мен талдау мектебінің түлектері қаланың тазалығына атсалысты. Сенбілік аясында жөке, көктерек, қарағаш және өзге де ағаш түрлерінің 200 көшеті отырғызылды. Сенат спикері Мәулен Әшімбаев, іс-шараға қатысушылармен сұхбаттасып, осы сенбіліктің және Астанада өткен Өңірлік экологиялық саммиттің мән-маңызы туралы айтты.