«Қазақстан» РТРК» ұжымы сенбілікке шықты

Бүгін «Қазақстан» телерадиокорпорациясының ұжымы да жалпықалалық сенбілікке белсенді атсалысты. Мамандар телеарнаның бұрынғы тарихи ғимаратының айналасын тазалап, Бейбітшілік көшесінен Жеңіс даңғылына дейінгі аралықты күл қоқыстан арылтты. Сенбілікке «Qazaqstan», «Balapan», «Qazsport», «Abai tv» телеарналары мен «Қазақ радиоларының» 100-ден астам қызметкері қатысты. Бұл табиғатқа деген жанашырлықтың жарқын көрінісі. Игі іс бір күндік бастама емес, күнделікті өмір салтына айналуы тиіс,-дейді корпорация қызметкерлері.