Иран-АҚШ келіссөзі өткен жоқ

АҚШ пен Иран арасындағы келіссөздің екінші раунды кейінге қалдырылды. Иранның сыртқы істер министрі Аббас Аракчи Исламабадта Пәкістанның жетекшілігімен кездескеннен кейін еліне қайтқан. Ал АҚШ президенті Дональд Трамп өз өкілдері Пәкістан астанасына сапар шекпейтінін мәлімдеді.

Ақ үй басшысы бұл жағдайдан кейін Тегеран тарапынан жаңа ұсыныс түскенін хабарлады. Бітім мерзімі ұзартыла ма деген сұраққа Трамп бұл туралы әлі ойланған жоқпын деп жауап берді.

Дональд Трамп, АҚШ президенті:

Сапардың болмайтынын естіген шығарсыздар. Көңілден шықпаған құжат үшін 15 сағат ұшып-қонып жүрмейміз. Мәселені телефон арқылы шешеміз. Олар кез келген уақытта қоңырау шала алады.