Павлодарда үлкен көлемде есірткі тәркіленді

Павлодарда есірткі арнасына тосқауыл қойылды. Күдікті ретінде ұсталған адам – жергілікті тұрғын. Ол пәтер ішінде синтетикалық орамалар дайындаумен айналысқан. Қолға түскен кезде одан салмағы 1 келі 200 грам болатын 60-қа жуық мефедрон орамасы табылды. Ал пәтерін тексеру кезінде полицейлер синтетикалық және психотроптық заттардың ірі партиясын анықтады. Сонымен бірге таразы, қаптама материалдары және қылмыстық әрекетті дәлелдейтін өзге де айғақтар алынған. Қазір құқық қорғау органдары оның сыбайластарын іздестіріп жатыр.