Бірлік түбі – береке

Солтүстік Қазақстан облысында 100-ге жуық ұлт өкілі тұрады. Әртүрлі мәдениет, тіл мен дәстүрге қарамастан, халықты ортақ құндылықтар мен мақсат біріктіреді. «Елдегі ұлттар достығы – қоғам тұрақтылығы мен дамуының негізі» дейді Петропавл қаласының тұрғыны Елена Семидоцких. Атасы Кеңес Одағы мен Германия арасындағы соғыста хабар-ошарсыз кеткен, ал әжесі Қазақстанға қоныс аударған. Елена Александровна   қоғамдағы келісім мен бірлікті нығайтуға өз үлесін қосып жүрген белсенділердің бірі. Қазақ тілін үйреніп, тәжірибесімен бөліседі. Қайырымдылықпен айналысады.

Елена Семидоцких, кәсіпкер:

Бірінші мамыр — Қазақстан халқының бірлігі күні. Бұл мереке бізге бейбітшілік пен келісімде өмір сүріп жатқанымызды еске салады. Бір-бірімізге құрмет пен қолдау үшін алғыс айтамыз. Елімізде әрдайым жақсылық пен өзара түсіністік болсын. Біздің күшіміз — бірлікте.