Тамызда Павлодар әуежайы іске қосылады

Тамыз айының соңында Павлодар әуежайы іске қосылады. Жөндеу жұмыстарының 70 пайызы атқарылған. Қазір ұшу-қону алаңында қалындығы жарты метрге жуық жоғары сапалы асфальтбетон салынып жатыр. Өңірде әуе қатынасы тоқтағалы екі жыл болды. Әуежайды қайта жаңғырту жұмыстары  кешеуілдеуіне қаржы тапшылығы себеп болды. Сондықтан жыл басында Үкімет қайтарылған активтерден құралған арнайы мемлекеттік қордан 9,3 млрд теңге бөлді.

Александр Андрейчук, мердігер компанияның өкілі:

Біз құрылыс-монтаждау жұмыстарын шілденің ортасына дейін аяқтаймыз. Қазір кешеуілдемей кестеге сай келе жатырмыз. Негізгісі ұшу-қону жолағын салу ғой. Қазір басым бөлігі дайын.