Орынбор облысы Қазақстанды басты сауда серіктесі санайды

Қазақстан мен Ресей арасында ивестиция, экономика, энергетика, көлік және гуманитарлық бағыттар бойынша бірлескен жобалардың саны артты. Көрші елде 60 мыңнан астам отандасымыз білім алып жатыр. Қазақстанның сыртқы сауда айналымының шамамен 20%-ы Ресейге тиесілі. Соңғы 20 жылда көрші елден бізге 30 млрд доллар инвестиция келген. Шекаралас өңірлердің арасында да ынтымақтастық беки түсті.

Қазақстан біз үшін басты сауда серіктесіміз. Экспорт болсын, импорт болсын, нәтиже жақсы. Жыл сайын сауда айналымы өсіп келеді. Осы жылдың ақпан айында бизнес делегация Қазақстанға арнайы барып, әріптестік көкжиегін кеңейту мәселесін талқыладық. Қазақстаннан біздің өңірге әкелінетін тауар саны да өсуде. Ынтымақтастық беки түскендіктен, 15 келісім жасалды.