Басты Жаңалықтар Ақтөбе облысында шегіртке улау басталады

Ақтөбе облысында шегіртке улау басталады

04.05.2026 17:15

Ақтөбе облысында шегірткеге қарсы улау жұмыстары басталады. Биыл алғаш рет оған агродрондар қолданылады.

Сала мамандары дайындығын пысықтап, жаңа құрал-жабдықтарын таныстырды. Қазір 84 техника, 10 ұшақ сақадай сай тұр. Улау жұмыстары облыстағы барлық ауданда жүреді. Үйірлі шегірткеге қарсы 424 мың, ал саяқ шегірткеге қарсы 160 мың гектар аумақты қамту көзделген. Қажетті препараттар дайын. Бірер күннен соң Шалқар, Ырғыз, Ойыл және Байғанин аудандарындағы алқаптарға химиялық өңдеу жүргізу жоспарланып отыр. Егер шаруа қожалықтарының аумағынан зиянкестер анықталса, улау жұмыстары жоспардан тыс жүргізіледі.

Дастан Сағыров, Агроөнеркәсіп кешеніндегі мемлекеттік инспекция комитеті аумақтық инспекциясының басшысы:

Меншік иесі дер кезінде өздеріне тиесілі жерлерде дернәсілдер анықталған жағдайда біздерді хабардар етуі керек. Яғни, болжам орталығы бар әр ауданда орналасқан және инспекция мамандары бар, соларға дер кезінде хабарлау керек. Тиісінше біз дер кезінде техникамен химиялық өңдеу жүргізетін боламыз.

Автор

Жақсыбек Кемал

Бөлісу