Орталық Азияға астық экспорты 48 пайызға артты

Қазақстан Орталық Азияға астық тасымалын едәуір арттырды. Жылдың алғашқы үш айында ел бойынша барлығы 4 миллион 100 мың тонна астық тасымалданған. Бұл былтырмен салыстырғанда 15 пайыз көп. Өсім негізінен экспорт есебінен байқалады. Шетелге 3 миллион 200 мың тонна дәнді дақыл жөнелтілген. Ал ішкі тасымал көлемі 900 мың тонна. Ең жоғары өсім Орталық Азия бағытында 48 пайыз артып, 2 миллион тоннадан асқан. Соның ішінде Өзбекстанға 1,5 миллион тонна астық жіберілген. Ресейге 512 мың, ал Ауғанстанға 302 мың тонна экспортталған. Сонымен қатар Қытайға жөнелтілетін ұн көлемі екі есе артып, 1 миллион тонна болды. Жалпы, бұл көрсеткіш Қазақстан астығына сыртқы нарықта сұраныс жоғары екенін көрсетеді.