Өскеменде жарылыс болып, төрт адам ауруханаға түсті

Өскемендегі кәсіпорындардың бірінде жарылыс болды. Төтенше жағдай министрлігінің дерегінше шаң түзу цехындағы құрылғыда газ бен ауа қоспасы жарылып, соның салдарынан өрт шыққан. Ғимараттың бір бөлігі опырылған. Төрт адам ауруханаға жеткізілді. Қазір оқиға орнында жедел штаб құрылып, Төтенше жағдай министрлігінің бөлімшелері жұмыс істеп жатыр. Апаттың мән-жайы анықталуда.