Инвестордың ақшасын жымқырған кәсіпкер сотталды

Шетелдік инвесторды 3,5 миллиард теңгеге алдаған кәсіпкер сотталды. Бас прокуратураның мәліметінше 2016 жылдың қыркүйегінде қазақстандық кәсіпкер жалған құжаттарды пайдаланып, швейцариялық инвесторға тиесілі «УК Ринком» серіктестігінің 80 пайыз үлесін заңсыз түрде небәрі 63 миллион теңгеге сатып жіберген. Аталған кәсіпорын Ұлытау облысындағы темір кен орнын игерумен айналысқан. Сот айыпталушыны аса ірі көлемдегі алаяқтық жасағаны үшін кінәлі деп танып, 6 жыл 8 ай мерзімге бас бостандығынан айырды. Сонымен қатар, қылмыстық жолмен алынған мүлкі тәркіленді. Шетелдік инвестордың 3,5 миллиард теңге көлеміндегі азаматтық талабы толық көлемде қанағаттандырылды.