Президент ЕЭК алқасының төрағасын қабылдады

Мемлекет басшысы Еуразиялық экономикалық комиссия алқасының төрағасы Бақытжан Сағынтаевты қабылдады. Кездесуде Президентке 28-29 мамыр күндері Астанада өтетін Жоғары Еуразиялық экономикалық кеңестің кезекті отырысына және бесінші Еуразиялық экономикалық форумға дайындық барысы баяндалды. Сонымен қатар Еуразиялық экономикалық одақ аясында жасанды интеллектіні дамыту жөніндегі Бірлескен мәлімдемені әзірлеу жұмыстарының аяқталғаны айтылды. Құжат экономика саласында жасанды интеллект технологияларын дамыту бойынша елдер ынтымақтастығының негізгі бағыттарын айқындайды.