«Ауыл» партиясының мүшелері қан тапсырып жүр

«Ауыл» партиясының мүшелері Астана маңындағы елдімекендерге барып қан тапсырды. Партия бірнеше жылдан бері Республикалық трансфузиология ғылыми-өндірістік орталығымен бірлесіп «Мен донормын» науқанын өткізіп келеді. Өткен айда барлық филиалда бір мезетте 1000 адам қан тапсырды. Былтырдан бастап жылжымалы қан тапсыру акциялары ұйымдастырылып, Астана маңындағы аудандар мен ауылдарды қамтыды.

Алдағы уақытта қаланың орталығында, әр шағын ауданында, сауда орталықтарында арнайы орындар, бекеттер ашылуы керек деп есептейміз. Бұл адамдарға ыңғайлы болуы керек. Алысқа бармай, жақынға барып тапсыра салу жеңіл, қолжетімді болса көп адам осыған барады деп ойлаймын.