Басты Жаңалықтар Қарағанды облысының Молодежный кентінде 15 шақырым тоқ желісін жаңартады

Қарағанды облысының Молодежный кентінде 15 шақырым тоқ желісін жаңартады

06.05.2026 13:15

Қарағанды облысы Осакаров ауданына қарасты Молодежный кентінде электр энергиясы тапшы. Жұртшылықтың айтуынша елді мекендегі тоқ желілері әбден тозған. 6000-нан аса тұрғыны бар кентте электр станциясы сонау 60-70 жылдары салынған. Содан бері күрделі жөнделмеген. Жел тұрса жарық сөніп, жөндеуге сағаттап уақыт кетеді.

Жұмабике Оспанова, Молодежный кентінің тұрғыны:

Электроснабжение жаман. Бытовая техника бәрі жанып кетті. Менікі де жанып кетті. 2-3 сағат болмайды. Қыста вообще сутка отырдық. 16-18 мың ақша төлейміз светке. Ол ақша қайда кетеді?

Электр желісіне жауапты компания өңірдегі 4 бірдей ауданға қызмет көрсетіп отыр. Ал жыл сайын жөндеу жұмыстарына 150 миллион теңге ғана бөлінеді. 4 аудан бойынша желінің жалпы ұзындығы 6500 шақырымнан асады. Барлығы дерлік тозған. Ал күрделі жөндеу жұмыстарын жүргізу үшін, тариф бағасын кемінде 3-4 теңгеге қымбаттату керек дейді компания өкілдері.

Руслан Келбұғанов, Қарағанды аймақтық энергетика компаниясының директоры:

Молодежный кенті бойынша қосалқы станция жабдықтарына 35 миллион теңге бөлініп, күрделі жөндеу жұмыстары жүргізілмек. Сондай-ақ ағымдағы жөндеу жұмыстарына шамамен 15 миллион теңге бөлінеді. Соның арқасында 15 шақырымға жуық тоқ желісі жаңартылмақ.

Автор

Жандос Бақытұлы

Бөлісу