Алматыда 100 сарбаз әскери ант қабылдады

Алматыда мерекеге орай 100-ге жуық жас сарбаз әскери ант қабылдады. Салтанатты шараға ата-аналар, ардагерлер мен запастағы офицерлер қатысты. Жас жауынгерлер бір айдан аса уақыт дайындықтан өткен. Сарбаздар әскери анттың үлкен жауапкершілік екенін айтты. Шара барысында мерекелік концерт ұйымдастырылып, ата-аналар жас сарбаздарға сәттілік тіледі. Ал ант қабылдау рәсімінен кейін жауынгерлер енді үш айлық дайындықтан өтіп, шекара шебіне жіберіледі.

Фархат Сексенбаев, қатардағы жауынгер:

Әскери ант екі ғана сөз болса да оның артында терең мағына жатыр. Әскери антты жауапкершілікпен қабылдайды. Әскери антты қабылдағаннан кейін адам өз міндеттеріне айқын нақты қадам басуы керек.