Бүгін Qazaqstan Barysy Grand Slam турнирі басталады

Бүгін Астанада дзюдодан Qazaqstan Barysy Grand Slam турнирі басталады. Оған 38 елдің 300-ден астам спортшысы қатысады. Қазақстан дзюдо федерациясы өкілдерінің мәліметінше, байрақты бәсекеде ел намысын 53 дзюдошы қорғайды. Арасында Олимпиаданың қола жүлдегері Ғұсман Қырғызбаев, дәл осы жарыстың 2023 жылғы чемпионы атанған Мағжан Шамшадин мен Grand Slam, басқа да халықаралық жарыстық жүлдегерлері бар. Жалпы, биылғы яғни төрт жылдықтың соңғы додасында ел намысын қорғайтын құраманың 70 процентке жуығы жас балуандар. Жарыстарды «Qazsport» телеарнасы тікелей эфирде көрсетеді. Жарыс 10 мамырға дейін жалғасады.