Президент Рим Папасы XIV Леоға құттықтау жеделхат жолдады

Мемлекет басшысы Рим Папасы XIV Леоны Понтифик болғанына бір жыл толуымен құттықтап, жеделхатын жолдады. Жеделхатта Қасым-Жомарт Тоқаев Понтификтің бейбітшілік идеясы мен диалогты ілгерілету жөніндегі дәйекті уағызы адами қадір-қасиетті дәріптеп, халықтар мен конфессиялар арасындағы өзара түсіністікті нығайтудың сенімді тірегі екенін атап өткен. Сондай-ақ Қазақстан мен Киелі Тақ арасында ұзақ жылдан бері келе жатқан достық пен тығыз ынтымақтастықты жоғары бағалайтынын жеткізді. Оған қоса Президент Католик шіркеуінің басшысын Астанаға шақыратынын тағы да растады.