Әскери қызметшілер баспаналы болды

Отан қорғаушы күні мерекесінде әскери қызметшілерге баспана берілді. Астанада 15 отбасына жаңа пәтердің кілттері табысталды. Тұрғын үйлер тұрмыстық техникамен және жиһазбен толық жабдықталған. Қорғаныс министрі Дәурен Қосанов бұл бастама әскери қызметшілерге мемлекет тарапынан көрсетілген қолдау мен құрметтің көрінісі екенін айтты.

Раушан Ибадуллаева, әскери қызметкердің жұбайы:

Отан қорғаушы мерекесіне біздің отбасымызда үлкен қуаныш. 17 жыл армандаған баспанамызға қол жеткізіп отырмыз. Балаларымыздың несібесіне. Бүгін сондай үлкен қуаныш, шаңыраққа ие болып отырмыз. Алғысымыз шексіз. Отан қорғаушылар күнінен алған қонысымыз берекелі болсын. Жұғысты болсын басқаларға.