Ресейде хантавирусқа қарсы вакцина шығарылмақ

Ресейде хантавирусқа қарсы вакцина шығарылмақ. «Бұған шамамен бір жарым жыл уақыт кетеді»,-дейді мамандар. Екпе ең көп таралатын жеті антигендік штамға төтеп бере алады. Осыған дейін аталған елде ротавирустық инфекцияға қарсы вакцина жасалған болатын. Енді жаңа технологиялар хантавирусқа қарсы да қолданылмақ. Ресейде бұл инфекцияның Пуумала, Хантаан деп аталатын штамдары кездеседі. Сондықтан елде карантиндік шаралар қолға алынды.

Анча Баранова, биология ғылымдарының докторы, Джордж Мейсон университетінің профессоры:

Хантавирусқа байланысты пандемия болмайды деп ойлаймын. Себебі бұл вирустың таралуы өте баяу. Алайда індетті жұқтырғандардың арасында өлім-жітім көрсеткіші 40 пайыз. Сондықтан сақтану шаралары маңызды.