Дағыстан халқы өтемақы ала бастады

Ресейдің Дағыстан республикасында су тасқынынан зардап шеккендерге өтемақы төлене бастады. Сонымен қатар тасқын кезінде зақым келтірілген үйлер қалпына келтірілуде. Жалпы, көктемгі су тасқынынан республикада 20 мыңға жуық адам зардап шегіп, 6000-нан астам үй су астында қалған. Тек ауыл шаруашылығына келтірілген шығын 600 миллион рубльден асады.

Ең алдымен арнайы есепшот ашып, оған тасқыннан зардап шеккендерге көмек беремін дегендер ақша аударды. Үш аптаның ішінде 100 миллион рубль жиналды. Үш жылжымалы офис Дағыстанда үнемі жұмыс істеп, тұрғындарға алдағы уақытта да көмектеспек.