Атырау облысында төрт адамның өліміне қатысты іс сотқа жетті

Атырау облысында бір әулеттің төрт адамын өлтірді деп айыпталған Сұлтан Сәрсемалиевке қатысты сотқа дейінгі тергеп-тексеру аяқталды. Алғашқы сот отырысы 18 мамырға жоспарланды.

Айта кетейік, Қызылқоға ауданы Жангелдин ауылында бүтін бір отбасы із-түзсіз жоғалып, кейін ерлі-зайыптының денесі өз үйінің ауласынан табылды. Бірнеше ай өткен соң олардың ұлы мен қызының мәйіті Атырау қаласында күдікті жалдап тұрған үйдің ауласынан қазып алынған болатын. Кейін шетелге қашқан Сәрсемәлиевті құқық қорғау органдары ұстап, елге жеткізген болатын. Тергеу нәтижесінде күдікті кінәсін толық мойындады.