Премьер-министр БҰҰ Бас хатшысының орынбасарымен кездесті

Премьер-министр Олжас Бектенов Біріккен Ұлттар Ұйымының Бас хатшысының орынбасары Диене Кейтамен кездесті. Жиында денсаулық сақтау бағытындағы жобалар, Ана мен баланы қорғау, жастарды қолдау жайы талқыланды. Олжас Бектенов бұл ретте Қазақстан әріптестікті дамытуға дайын екенін айтты. Өз кезегінде Диене Кейта Мемлекет басшысының атына сәлемін жеткізіп, Қазақстанның әлеуметтік саладағы жетістіктерін жоғары бағалады. Қордың стратегиялық бастамаларға сараптамалық қолдауды жалғастыруға дайын екенін атап өтті. Сонымен қатар Астана қаласындағы қалалық ауруханаға барған кезде Диене Кейта медициналық мекеменің заманауи жабдықталуына назар аударып, оның әлемнің жетекші клиникалары деңгейіне сәйкес келетінін айтты.