Ипотека арзандайтын болды

Елде ипотека арзандайды. 1 шілдеден бастап оның шекті мөлшерлемесі 25%-дан 20%-ға дейін түседі. Бұл шешімді Қаржы нарығын реттеу және дамыту агенттігі мен Ұлттық банк қабылдаған. «Бірақ мұндай өзгеріс банктер үшін тиімсіз. Сондықтан қаржы ұйымдары ипотека беруді күрт азайтады», - дейді сарапшылар.

Мәселен, қазір 10 өтінімнің шамамен жетеуі қабылданса, енді төртеуі ғана мақұлдануы мүмкін. Несие беру талаптары да өзгермек. Мамыр айының ортасынан бастап банк несиелері мен микрокредиттердің пайыздық шегі қайта қаралады. Кепілсіз берілетін кредиттің жылдық тиімді мөлшерлемесі 46%-дан аспауы шарт. Ал кепілмен алынатын қарыздар үшін 35%-дан жоғары болмайды.