Алаяқтардың ЖИ-мен жасаған аудиосын анықтауға болады

Елде сот сараптамасы соңғы үлгідегі технологиялардың көмегімен жүргізіледі. Алаяқтардың жасанды интеллект арқылы жасаған аудиожазбаларын енді арнайы жүйелердің көмегімен әп-сәтте әшкерелеуге болады. Бұл туралы Орталық коммунациялар алаңында өткен арнайы брифингте Әділет министрлігінің өкілдері айтты. Мұндай зерттеу ТМД мемлекеттерінің арасында алғаш рет Қазақстанда енгізіліп отыр. Сондықтан өзге елдің ғалымдары оған қызығушылық білдіріп, өз елдеріне енгізу жайын қарастырып жатыр.

ТМД елдерінің сараптамалық мекемелері өкілдерінің қатысуымен дөңгелек үстел өткізу жоспарланып отыр. ЖИ технологияларын, белгілерін жоғары дәрежедегі сенімділікпен анықтау мүмкіндігін көздейтін аудиожазбаларды зерттеудің жаңа әдістемесі іске асырылып жатыр.