Жеңіл өнеркәсіп өндірісі 2 есе артты

Жеңіл өнеркәсіп өндірісі жыл басынан бері 2 есе ұлғайған. Бұл туралы осы саланы дамыту мәселелері бойынша Үкіметте өткен кеңесте айтылды. Жиында өндірістерді жаңғырту, қайта өңдеу қуатын кеңейту мәселелері талқыланды. Сондай-ақ кадр даярлау және отандық тауар өндірушілердің бәсекеге қабілеттілігін нығайту қажет екені сөз болды. Олжас Бектенов отандық тауар өндірушілерді қолдау шараларын кеңейтуді жүктеді. Кәсіпкерлерге тауарларды нарыққа шығаруға көмек беруге кепілдік бере отырып, өндірісті ұлғайту үшін қосымша жобалар даярлау керек екенін баса айтты.