Психдиспансерде есепте тұрған адам мектеп автобусымен оқушыларды тасыған

Ұлытау облысы Қаражал қаласында жүргізуші куәлігінен айырылған әрі есту қабілеті нашар ер адам мектеп автобусын тізгіндеген. Қалалық прокуратураның мәліметінше, жүргізуші психоневрологиялық ауру бойынша диспансерлік есепте, оның үстіне есту қабілеті төмен екінші топтағы мүгедектігі бары анықталған. Соған қарамастан, ол мектептердің бірінде 129 оқушыны тасымалдап келген. Тексеріс нәтижесінде жауапты тұлғалар жазаланып,  жүргізуші жұмыстан шығарылды.