Сарапшы: Түркі мемлекеттері ұйымының геосаяси ықпалы артып келеді

Түркі мемлекеттері ұйымының геосаяси ықпалы артып келеді. Бүгінде жиын саяси және экономикалық ынтымақты нығайтуға бағытталған маңызды алаңдардың бірі ретінде бағаланып отыр. Қазақстан – түркі әлемі елдері үшін Қытай мен Азияға жол ашатын алтын қақпаның кілті. Ал Түркия Еуропаға дендеп енуге мүмкіндік береді, дейді сарапшылар.

Дінмұхаммед Әметбек, Түркі академиясының PhD докторы:

Шығыс пен Батыс арасында о баста екі бағыт бар еді. Бірақ Иран көп жылдан бері санкциялардың астында және оған қоса соңғы кездердегі Израиль мен АҚШ-тың Иранға шабуылы оңтүстік бағытты істен шығарды деп айтуға болады. Ал Солтүстік бағыт онсызда Украина мен Ресей соғысынан бері өзінің белсенділігін жоғалтқан. Енді осы орайда Қытай мен Еуропа елдеріне тасымал керек болғаны үшін бұлар Орта дәліздің кішкене белсенді болғанын қалады.  Қорыта айтқанда, Түркі мемлекеттер ұйымының қазіргі статусы біртіндеп көтеріліп келе жатыр.