Цифрлық технологиялар мен ЖИ дәуіріндегі медианың жаңа миссиясы

«Біріккен ұлт жеңеді!». Дәл осындай атаумен өткен VI халықаралық бейнематериалдар байқауының жеңімпаздары анықталды. Журналистика және медиакоммуникация бағыттары бойынша ұйымдастырылған сайыс биыл «Адам және жасанды интеллект – жаңа коммуникация формасы» тақырыбына және Гумилев атындағы Еуразия ұлттық университетінің 30 жылдығына арналды. Байқаудың мақсаты  - цифрлық технологиялар мен жасанды интеллект дәуіріндегі медианың жаңа миссиясын, әлеуметтік жауапкершілік пен заманауи коммуникацияның рөлін шығармашылық тұрғыда көрсету. Биыл АҚШ, Ұлыбритания, Испания мен Түркия, Біріккен Араб Әмірлігі, Канада және отандық университеттердің студенттері қатысты. Халықаралық байқаудың жеңімпаздарына сыйлықтар тағайындалды.