Басты Жаңалықтар Құтқарушылар тауда жарақат алған туристерге көмек көрсетті

Құтқарушылар тауда жарақат алған туристерге көмек көрсетті

18.05.2026 10:13

Үлкен Алматы көлі маңындағы тауда жарақат алған Қытай азаматы құтқарылды.

36 жастағы турист 2500 метр биікке көтерілген кезде тізесін жарақаттап, өздігінен түсе алмай қалған. Оқиға орнына жеткен төтенше жағдай қызметінің мамандары мен медицинасы орталығының бригадасы оған алғашқы көмек көрсетіп, таудан аман-есен түсірді.

Осыған ұқсас жағдай Бурабай ауданында да болған. 28 жастағы қыз айналаны биіктен тамашалау үшін жоғары көтеріліп, аяғын жарақаттап алған. Өздігінен қозғала алмағандықтан,112 қызметінен көмек сұраған. Құтқарушылар оған алғашқы медициналық жәрдем көрсетіп, қауіпсіз жерге жеткізді.

Сондай-ақ Шымбұлақтағы Комби-2 аумағында тізесін жарақаттап алған жас жігітке де көмек көрсетілді. Төтенше жағдайлар министрлігі тұрғындар мен туристерге таулы аймақтарға шығар алдында физикалық дайындығын ескеріп, қауіпсіздік талаптарын қатаң сақтауды ескертті.

Автор

Асылбек Данияр

Бөлісу