Әйел саясаткерлерді арнайы оқыта бастады

Әйелдердің саясатқа қатысуы қысқа мерзімді бастама емес, елдің инклюзивті басқаруы мен демократиялық институттарын нығайтатын ұзақ мерзімді инвестиция.

Бұл туралы Алматыда әйелдердің саясаттағы рөлін күшейтуге арналған арнайы тренингте айтылды. Мұндағы мақсат – әйелдердің көшбасшылық қабілетін дамыту, олардың саяси процестерге қатысуын арттыру және сайлау науқандарына дайындық бойынша практикалық дағдылар қалыптастыру. Тренингке әр өңірден келген 30-дан аса көшбасшы әйел біріккен, дейді ұйымдастырушылар.

Джерен Гювен Гюрес, БҰҰ әйелдер құрылымының Орталық Азиядағы үйлестіру кеңесінің жектекшісі:

Шара әйелдердің құқықтық қорғалу деңгейін арттыруға, гендерлік теңдікті нығайтуға және олардың қоғамдық-саяси өмірге  толыққанды қатысуын қамтамасыз етуге жәрдемдеседі. Олар сайлауалды бағдарлама әзірлеп, пікірсайысқа қатысып, көпшілік алдында сөз сөйлеу сияқты кезеңдерді тәжірибе жүзінде меңгереді.