Елімізде 64 мәдени нысан салынып жатыр

Биыл елде 64 мәдени нысан салынып жатыр. Тағы 250-ден астамы  жөндеуден өтеді. Бұл туралы Орталық коммуникациялар алаңында өткен арнайы брифингте айтылды. Өңірлерде 34 мәдениет үйі мен клубтардың материалдық базасы жаңартылады. Одан бөлек, республикалық мәдениет ұйымдарын жаңғырту жоспарланған. Айталық, Мұхтар Әуезов атындағы Қазақ ұлттық драма театры мен Наталия Сац атындағы театры жаңарады. Сондай-ақ Алматы қаласында шығармашылық оқу орындарының студенттеріне арналған 500 орындық жатақхана салынып жатыр.